ఓ అద్భుతం జరిగింది… ఎడారి నేల తడిసింది!

By Chowdary

Updated : 26 November 2025 11:24 AM

అది 1994. నవంబరు 23... సత్యసాయి జన్మదినోత్సవం. అప్పటి ప్రధానమంత్రి పీవీ నరసింహారావు ఆ వేడుకలకు హాజరయ్యారు. ఆ సందర్భంలో అనంతపురం వాసుల దాహార్తిని తీర్చేందుకు తాను సంకల్పించుకున్నట్లుగా పేర్కొన్నారు సత్యసాయిబాబా. అంతేనా... వచ్చే ఏడాది తన పుట్టినరోజుకల్లా ఆ మహాకార్యాన్ని పూర్తి చేస్తాననీ ఎన్ని వందల కోట్ల రూపాయలైనా ఇస్తాననీ, అవసరమైతే తన ఆస్తులన్నింటినీ తాకట్టు పెట్టేందుకూ సిద్ధమనీ అన్నారు. అది విని...ఎన్నో ప్రభుత్వ పథకాలే ఏళ్లతరబడి సాగుతూ అసంపూర్తిగా ఉన్నప్పుడు... కనీసం నాలుగైదు సంవత్సరాలు పట్టే పథకం ఒక్క ఏడాదిలో పూర్తవుతుందా అని సందేహించిన వారూ, అసాధ్యమనీ ఘంటాపథంగా చెప్పినవారూ ఎందరో. కానీ, బాబా చెప్పిన దానికన్నా తక్కువ సమయంలోనే ‘శ్రీసత్యసాయి సుజల స్రవంతి’ పథకం... 1995 నవంబరు 18న ప్రారంభమై దేశం మొత్తాన్నీ సంభ్రమాశ్చర్యాలకు గురిచేసింది.