పెద్దాపురం నియోజకవర్గంలో తెలుగుదేశం అధ్యక్షులు వీరే పెద్దాపురం

By Chowdary

Updated : 11 November 2025 04:15 PM

పెద్దాపురం నియోజకవర్గంలో తెలుగుదేశం పార్టీ అధ్యక్షుల ఎంపిక, ప్రమాణ స్వీకార వేడుకలు మంగళవారం సామర్లకోటలో కోలాహలంగా జరిగాయి. పెద్దాపురం ఎమ్మెల్యే నిమ్మకాయల చినరాజప్ప, ఎన్నికల పరిశీలకులు బోళ్ల వెంకటరమణ ఆధ్వర్యంలో స్థానిక సూర్య ఫంక్షన్ హాల్ నందు రాష్ట్ర రైతు సమైక్య కన్వీనర్ పాలకుర్తి శ్రీనివాస్ చౌదరి సారధ్యంలో నిర్వహించారు. సామర్లకోట టౌన్ తెలుగుదేశం పార్టీ అధ్యక్షులుగా బడుగు శ్రీకాంత్, రూరల్ మండల శాఖ అధ్యక్షునిగా ముసిరెడ్డి శ్రీరాములు, పెద్దాపురం టౌన్ అధ్యక్షులుగా రంది సత్యనారాయణ, రూరల్ అధ్యక్షులుగా తొలి తిరుపతి సర్పంచ్ మొయిళ్ళ కృష్ణమూర్తి, క్లస్టర్ నేతలుగా అడబాల కుమారు స్వామి, కంటే జగదీష్ మోహన్ తదితరులు ప్రమాణ స్వీకారం చేశారు. ముందుగా తెలుగుదేశం పార్టీ పతాకాన్ని ఆవిష్కరించి, స్వర్గీయ ఎన్టీ రామారావు విగ్రహానికి ఎమ్మెల్యే చినరాజప్ప ఇతర నేతలు పూలమాలలు వేసి నివాళులర్పించారు. ప్రమాణ స్వీకార వేడుకలు ఘనంగా నిర్వహించారు. పెద్దాపురం సామర్లకోట మార్కెట్ కమిటీ చైర్మన్ లు నూనె మంగ లక్ష్మి రామారావు, అందుగుల మణి కుమారి చక్రవర్తి, గోల్టి సత్యనారాయణ, పడాల వీరబాబు, అరుణ్ వంశి, తదితర నేతలు కార్యకర్తలు పెద్ద ఎత్తున పాల్గొన్నారు. క్షేత్రస్థాయి నుండి తెలుగుదేశం పార్టీ అభివృద్ధికి నేతలు కార్యకర్తలు, ప్రజా ప్రతినిధులు సమిష్టిగా కృషి చేయాలని ఎమ్మెల్యే నిమ్మకాయల చినరాజప్ప కోరారు.